Kon-geologiya vazirligida gender masalalari bo‘yicha seminar o‘tkazildi
2024-09-06 17:25:00 / Yangiliklar
2024-yil 6-sentabr kuni Togʻ-kon sanoati va geologiya vazirligida Oʻzbekiston Respublikasi Oliy Majlisi Senatining 2024-yil 10-fevraldagi SQ-875-IV-sonli Qarori bilan tasdiqlangan “2030-yilga qadar Oʻzbekiston Respublikasida gender tenglikka erishish strategiyasini 2024-yilda amalga oshirish boʻyicha kompleks chora-tadbirlar” dasturi mazmun-mohiyatini jamoatchilikka keng tushuntirishga qaratilgan seminar boʻlib oʻtdi.
Tadbirda kon-geologiya vazirligi rahbariyati va mutasaddilari, tizimosti korxona va tashkilotlarning mas’ullari ishtirok etishdi.
O‘zbekiston energetika, neft-gaz va geologiya xodimlari kasaba uyushmasi Respublika Kengashining xotin-qizlar bo‘yicha rais maslahatchisi Y.Adilova Oʻzbekistonda xotin-qizlarni ijtimoiy qoʻllab-quvvatlashda fuqarolik jamiyati institutlarining oʻrni, xotin-qizlarni ijtimoiy himoya qilish tizimini yanada kuchaytirish, ularga zarur shart-sharoitlar yaratish, bu borada sohada amalga oshirilayotgan ishlar xususida ma’ruza qildi.
Tadbir yakunida ishtirokchilarni qiziqtirgan savollarga javoblar berildi.