Yer qaʼrini qidirish, foydalanish va muhofaza qilish boʻyicha Hukumatlararo kengash Ishchi guruhining yig‘ilishi bo‘lib o‘tdi
2024-08-23 17:50:00 / Yangiliklar
Yig‘ilishda Armaniston, Belarus, Qozogʻiston, Qirgʻiziston, Rossiya, Tojikiston va MDH kengashining Ijro qo‘mitasi vakillari ishtirok etishdi.
Tog‘-kon sanoati va geologiya vaziri maslahatchisi N.Xaqberdiyev Ishchi guruh yig‘ilishiga rahbarlik qildi.
Mutaxassislar foydali qazilmalar zaxiralari ekspertizasi milliy tizimlariga integratsiyalashgan holda MDHga aʼzo davlatlarning zaxiralari auditi boʻyicha yagona institutni tashkil etish bilan bogʻliq masalalarni muhokama qildilar. Shuningdek, zaxiralar, resurslarni baholash va foydali qazilmalarni ishlab chiqish bo‘yicha mutaxassislar va vakolatli shaxslar uchun o‘quv dasturi loyihalari hamda model axloq kodeksini ishlab chiqish kabi masalalar ham kun tartibida bo‘ldi.
Foydali qazilmalar zaxiralarini davlat ekspertizasi va auditi tizimlarini rivojlantirish bo‘yicha tahliliy hisobot eshitildi, ushbu sohada MDHga a’zo davlatlarning ekspertlari va vakolatli shaxslar reyestrini yaratish maqsadga muvofiqligi ta’kidlandi.
Barcha ma’lumotlar 2024-yil sentabr oyida yer qa’rini qidirish, undan foydalanish va muhofaza qilish bo‘yicha hukumatlararo kengashning navbatdagi yig‘ilishida ko'rib chiqish uchun yuboriladi.
Ishchi guruhning navbatdagi majlisi 2025-yilning birinchi choragida o‘tkazilishi rejalashtirilgan.