"Botir Zokirov nomidagi estrada milliy mukofoti" tanlovi tashkiliy qoʻmita tomonidan har bir nominatsiya boʻyicha taqdim etilgan ijodiy ishlardan eng munosib 3 tasi tanlab olindi. Endi gʻoliblarni aniqlash uchun nomzodlar www.milliytanlov.uz web saytiga joylashtirildi.

Barcha san'at ixlosmandlari oʻzlari munosib deb topgan nomzodga ovoz berishlari mumkin. 

Gʻoliblar esa ushbu ovoz berish jarayoni natijasiga koʻra aniqlanadi va 2024- yilning 26-aprel kuni O‘zbekiston xalqaro  anjumanlar saroyida o‘zbek milliy estrada sanati asoschisi, O‘zbekiston xalq artisti Botir Zokirov tavallud sanasiga bag‘ishlangan xotira kechasida tantanali ravishda taqdirlanadi.

Eslatib o‘tamiz, mazkur tanlov Madaniyat vazirligi hamda “O‘zbekkonsert” davlat muassasasi tomonidan hamkorlikda o‘tkazilmoqda.