O‘zbekiston Respublikasi Madaniyat vazirligi

O‘zbekiston davlat san’at va madaniyat institutida “O‘quv jarayoniga raqamli va innovatsion texnologiyalarni joriy etish orqali talabalar kasbiy bilimini oshirish yo‘llari” mavzusidagi Respublika ilmiy-amaliy anjumani bo‘lib o‘tdi.

 

Anjumanni Ilmiy ishlar va innovatsiyalar bo‘yicha prorektor Baxtiyor Yakubov ochib berdi hamda anjumanning asosiy maqsadi – o‘quv jarayoniga raqamli va innovatsion texnologiyalarni joriy etish yo‘llarini o‘rganish, rivojlantirish va takomillashtirish; bo‘lajak aktyorlarni tarbiyalashining hozirgi kunda hal etilmagan dolzarb muammolari, ilmiy-amaliy asoslari, ularni tadqiq etish va amaliyotga tatbiq qilish yo‘llarini o‘rganish ekanligini, o‘z navbatida, bugungi ma’ruzalarda ayni shu jihatlarga alohida e’tibor qaratilishi hamda kelgusida soha rivojida muhim ahamiyatga ega bo‘lishiga umid bildirdi.

 

Konferensiya yalpi majlisida “Spektakllarda raqamli texnologiyalardan foydalanish masalalari”, “Xoreografiya san’atida inklyuziv ta’lim va innovatsion yondashuv”, “Алишер Навои - символ прогресса своей эпохи и источник бесконечных инноваций в современном искусстве”, “Zamonaviy teatrning yangi uslubi: immersiv teatr va uning asosiy tendensiyalari” kabi mavzularda ma’ruzalar qilindi hamda ular yuzasidan qizg ‘in bahs munozaralar bo‘lib o‘tdi.

 

Shuningdek, Anjumanda talabalar kasbiy bilimini oshirish yo‘llarini joriy etish muammolarini yechish hamda sifatli ta’limni ta’minlash, bunda soha yo‘nalishlari bo‘yicha ilmiy-ijodiy ishlar natijalarini tahlil qilish va olingan natijalarni o‘quv jarayoniga uzviy bog‘liqligini qaror toptirish masalalari muhokama qilinadi. Muhokamada ushbu masalalarga oid bahs-munozaralarga sabab bo‘lgan xususiyatlar o‘rganiladi, raqamli va innovatsion texnologiyalarni joriy etish bo‘yicha takliflar va ilmiy tavsiyalar ham ham muhokama markazida bo‘ldi

 

Raqamli va innovatsion texnologiyalarni joriy etish orqali talabalar kasbiy bilimini oshirish misolida videorolik taqdimoti ham bo‘lib o‘tdi.