O‘zbekiston davlat san’at va madaniyat instituti ilk bor “UI GreenMetric World University Ranking 2024” xalqaro reytingida TOP-1000 talikdan joy egalladi

 

“UI GreenMetric World University Ranking” xalqaro reytingining 2024-yil natijalari e’lon qilindi. Bu yil ushbu reytingda dunyo bo‘yicha 1477 ta universitet ishtirok etdi.

 

Universitetlarda Birlashgan Millatlar Tashkilotining Barqaror rivojlanish maqsadlari hamda yashil iqtisodiyot bilan amalga oshirilayotgan ishlar natijalarini taqdim etuvchi ushbu reytingda O‘zbekiston davlat san’at va madaniyat instituti mamlakatimiz oliy ta’lim muassasalari orasida yuqori natijalarni qayd etib, 947-o‘rinni egallab TOP-1000 talikdan joy egalladi https://greenmetric.ui.ac.id/rankings/overall-rankings-2024

 

Ma’lumot uchun: UI GreenMetric World University Ranking 2024 xalqaro reytingida O‘zbekiston Respublikasidan jami 52 ta universitet ishtirok etib, ulardan 30 tasi TOP-1000 talik ro‘yxatga kiritildi. “UI GreenMetric World University Ranking” quyidagi yo‘nalishlar bo‘yicha o‘z reytingini yuritadi va umumiy natijalarni e’lon qiladi:

- Setting & Infrastructure;

- Energy & Climate Change;

- Waste;

- Water;

- Transportation;

- Education & Research.

 

Ma’lumki, Davlatimiz Rahbari tomonidan kelgusi 2025-yilni “Atrof-muhitni asrash va “yashil iqtisodiyot” yili deb e’lon qilindi.

 

Yurtboshimiz bu masalaning ahamiyati haqida to‘xtalib, “Biz mо‘tabar ona zotini qanday yuksak hurmat-ehtirom qilsak, o‘zimizni qurshab turgan tabiatga ham shunday munosabatda bo‘lishimiz zarur” deya ta’kidladilar.

 

Shu bois O‘zbekiston davlat san’at va madaniyat institutida ham bunga doir bir qancha vazifalarni belgilab olindi.

 

Yuqoridagi e’tirof institut jamoasining “Atrof-muhitni asrash va “yashil iqtisodiyot” yilida amalga oshirishni maqsad qilgan loyihalarining dastlabki namunasi, desak mubolag‘a bo‘lmaydi.