2-5 aprel kunlari “Samarqand shahri - 2024-yilda Hamdo‘stlikning madaniy poytaxti” tadbirlarining ochilish marosimi bo‘lib o‘tgan edi.

 

Ochilish marosimidan so‘ng, yil davomida turli xil tadbirlar va davra suhbatlari tashkil etildi.

 

Ayni kunlarda Samarqandda "Samarqand - 2024-yilda Hamdo‘stlik madaniy poytaxti" tadbirlarining yopilishi doirasida bir qator tadbir va ijodiy uchrashuvlar tashkil etilmoqda.

 

Jumladan, kuni kecha tadbir doirasida Samarqanddagi Ixtisoslashtirilgan san’at maktabida MDH Yoshlar simfonik orkestri badiiy rahbari, Rossiya xalq artisti S.Skripka boshchiligidagi delegatsiyaning mahorat darsi tashkil etildi.

 

Davra suhbati davomida S.Skripka va boshqalar o‘zlarining ijod va hayot yo‘li, orkestr va klassik san’at haqida ma’lumot berdilar.

 

Tadbir doirasida Mustaqil Davlatlar Hamdo‘stligi Gumanitar hamkorlik davlatlararo fondi rasmiylari tomonidan Samarqand viloyat maxsus ko‘zi ojizlar kutubxonasiga Brayl alifbosida yozilgan kitoblar sovg‘a qilindi.

 

Ma’lumot o‘rnida, tadbirlar 16-noyabrga qadar davom etadi.