O‘zbekiston Respublikasi Madaniyat vazirligi

 

Kuni kecha madaniyat vazirining birinchi o'rinbosari Avazxon Tadjixanov xizmat safari bilan Surxondaryo va Qashqadaryo viloyatlarida bo'ldi.

 

Xizmat safari davomida dastlab Avazxon Tadjixanov Surxondaryo viloyati qo'g'irchoq teatriga tashrif buyurib, madaniyat va sana't muassasalari xodimlari bilan sohadagi muammo va takliflar bilan tanishib, amalga oshirilayotgan ishlarni muhokama qildi.

 

So'ng, O'zbekiston davlat filarmoniyasi Surxondaryo viloyat bo'limiga tashrif buyurilib binoning moddiy texnik bazasi bilan tanishildi va jamoaning 9 oylik hisobot konserti namoyish etildi.

 

Shuningdek, Termiz ixtisoslshtirilgan san'at maktabida bo'lib 2025-yilda qurilishi rejalashtirilgan o'quv zali loyihasi hamda 2024-yilda mukammal ta'mirlangan o'quvchilar turar joyi binosini, Jarqo'rg'on va Sho'rchi tuman namunali madaniyat markazlariga tashrif buyurib, markazlarda olib borilayotgan ta'mirlash ishlarini, Termiz shahridagi viloyat qo‘g‘irchoq teatri va Sho‘rchi tumanida tashkil etilgan "Do‘mbira ustaxonasi"ni ko'zdan kechirdi.

 

Surxondaryo viloyatidan so'ng, Avazxon Tadjixanov xizmat safari bilan Qashqadaryo viloyatida ham bo'lib, tashrif davomida bir qator madaniyat muassasalari faoliyati bilan yaqindan tanishdi. Madaniyat muassasalari faoliyati yuzasidan moddiy-texnika bazasini mustahkamlash uchun talab etiladigan musiqa cholg‘ulari, sahna liboslari, texnik jihoz va uskunalarning namunaviy to‘plamlari bilan ta’minlanganlik darajasi o'rganilib, ulardan samarali foydalanish bo‘yicha qo‘shimcha tavsiyalar berildi. Shuningdek, kuz-qish mavsumiga tayyorgarlik holati bilan tanishib, tegishli ko'rsatmalar berildi.