Guliston shahrida O‘zbekiston Respublikasi mustaqilligining 33 yilligiga bag‘ishlangan "Biz bir bo‘lsak yagona xalqmiz, birlashsak vatanmiz" shiori ostida Farg‘ona viloyati Uchko‘prik tumani madaniyat markazi qoshidagi "Muhiddin Darvishov" nomidagi askiyachi va qiziqchilar havaskorlik xalq teatri tomonidan sahnalashtirilgan "Kulgan yetar murodga" nomli kulgi va qo‘shiq kechasi o‘tkazildi. 

Namoyish etilgan askiya va qiziqarli chiqishlar milliy qadriyatlarimizni o‘zida mujassam etib, nafaqat kulgu, balki hayotning turli sinovlarini hazil orqali yengish mumkinligini ko‘rsatdi. Tadbir davomida O’zbek xalqining ajoyib xazinasi bo‘lgan askiya san’ati yana bir bor chuqur qadrlanib, yig‘ilganlar o‘rtasida quvnoq ruhiyat va samimiylik muhitini ulashdi.