Yusufjon Usmonov xizmat safari bilan Qashqadaryo viloyatida bo‘ldi
2024-09-28 18:00:00 / Yangiliklar
26-27-sentyabr kunlari madaniyat vaziri o‘rinbosari Yusufjon Usmonov xizmat safari bilan Qashqadaryo viloyatida bo‘ldi.
Xizmat safari davomida viloyatdagi bir qator madaniyat muassasalari faoliyatini o’rgandi, jumladan, Dehqonobod tumanidagi 28-29-son madaniyat markazi, 5-son bolalar musiqa va san'at maktabi, Chiroqchi tumanidagi 47-son madaniyat markazi, 15-son bolalar musiqa va san'at maktabining faoliyati bilan yaqindan tanishib, muassasalarning kuz-qish mavsumiga tayyorgarlik holatini, qayta tiklanuvchi energiya manbalari - quyosh panellarini o'rnatish bo'yicha amalga oshirilgan ishlar bilan tanishdi.
Shu bilan birga Kitob tumanidagi 59-son “Yangi avlod”, 60-son “Sevaz” madaniyat markazlari hamda Yakkabog' tumanidagi 46-son “Xojailg'or” madaniyat markazining DXSh asosida samarali tashkil etish bo'yicha tashabbuskor tadbirkorlar tomonidan bildirilgan takliflar bilan tanishib o'z fikrlarini bildirdi.
Shuningdek, shu yilning 10-oktyabr kuni Kitob tumani 10-son bolalar musiqa va san'at maktabida tashkil etilishi rejalashtirilgan Respublika seminariga tayyorgarlik holati va o'quv jarayonlarini ko'zdan kechirdi.