Forish tumanida qishloq ayollarini bandligi taʼminlanmoqda
2024-08-20 18:25:00 / Yangiliklar
Loyihaning maqsadi Ijtimoiy himoyaga muhtoj ayollarni tadbirkorlikka oʻrgatish orqali turmush tarzini yaxshilash.
Loyiha Forish tumanida joylashgan yettita mahallalari yaʼni, Uchma, Ilonli, Mustaqillik, Qizilqum, Narvon, Qorabdol ota va Uchquloch mahalla fuqarolari yigʻinlarida amalga oshirilmoqda.
Loyihani amalga oshirilishi natijasida: 120 nafar Forish tumanida istiqomat qilayotgan ijtimoiy himoyaga muhtoj “Ayollar daftari” da roʻyxatda turuvchi xotin-qizlarga ish oʻrinlari yaratiladi.
Forish tumani 2-sektor xududidagi “Mustaqillik” MFYda “Farovon shirinliklari” masʼuliyati cheklangan jamiyati tashkil etildi va ularga 103 500 000 million soʻm grant mablagʻlari ajraatildi. Bu ayollar qandolatchilik kasbiga oʻqitildi.
“Mustaqillik” mahallasida “Farovon shirinliklari” qandolatchilik sexining ochilishi munosabati bilan tadbir boʻlib oʻtdi. Unda mahalla xotin-qizlari, jamoatchilik vakillari ishtirok etishdi.
Tadbirda tuman hokimining oʻrinbosari, oila va xotin-qizlar boʻlimi boshligʻi Elnora Ummatova ishtirok etib, xotin-qizlarga yaratilgan imkoniyatlar haqida soʻz yuritdi.
Tadbir ishtirokchilari “Farovon shirinliklari” qandolatchilik sexida mahsulot ishlab chiqarish jarayonlarini koʻzdan kechirishdi. Mazkur korxonaning ochilishi hisobiga yetti nafar qishloq ayollari bandligi taʼminlandi.