Favqulodda vaziyatlar vazirining birinchi o‘rinbosari – Shtab boshlig‘i polkovnik S.T.Zuparov Janubiy Koreya yong‘in xavfsizligi instituti mutaxassislaridan iborat delegatsiya bilan uchrashuv o‘tkazdi
2024-10-25 17:30:00 / Yangiliklar
Favqulodda vaziyatlar vazirligiga Janubiy Koreya yong‘in xavfsizligi instituti mutaxassislaridan iborat delegatsiya tashrif buyurib, Favqulodda vaziyatlar vazirligi vakillari hamda Favqulodda vaziyatlar muammolari va yong‘in xavfsizligi ilmiy-tadqiqot institutining mutaxassislari bilan sinov va tadqiqot bazasini rivojlantirish yuzasidan o‘zaro fikr almashdilar.
Ta’kidlash joizki, bu borada, vazirlik Favqulodda vaziyatlar muammolari va yong‘in xavfsizligi ilmiy-tadqiqot instituti va Janubiy Koreya yong‘in xavfsizligi instituti o‘rtasida 2020-yilda o‘zaro anglashuv memorandumi imzolangan. Ushbu memorandum doirasida so‘nggi yillar davomida yong‘in xavfsizligi sohasida tajriba almashish, mutaxassislarning malakasini oshirish hamda ko‘rgazmalar va konferensiyalarda ishtirok etib kelinmoqda.
Eslatib o‘tamiz, Favqulodda vaziyatlar vazirligi tomonidan soha yo‘nalishlari bo‘yicha xorijiy davlatlar bilan, xalqaro aloqalarni rivojlantirish, shuningdek, tajriba almashish bo‘yicha rejali ishlar amalga oshirilmoqda.