Xalqaro hamkorlik doirasidagi tadbirlar
2024-09-19 17:20:00 / Yangiliklar
Joriy yilning 18-19 sentabr kunlari Qozogʻiston Respublikasining Olmaota shahrida “13-oktabr – Xalqaro tabiiy ofatlar xavfini kamaytirish kuni”ga bag'ishlangan Markaziy Osiyo davlatlari o‘rtasida maktab xavfsizligini taʼminlash boʻyicha umumtaʼlim dasturini amalga oshirishdagi muvaffaqiyatlari borasida seminar bo‘lib o‘tdi. Ushbu seminar UNICEF, YUNESKO, BMT ofatlar xavfini kamaytirish boshqarmasi, Yaponiya hukumati, Tabiiy ofatlar xavfini kamaytirish va qayta tiklash global fondi (GFDRR), Jahon banki hamkorligidagi Olmaota shahrida joylashgan Favqulodda vaziyatlar va tabiiy ofatlar xavfini kamaytirish markazi bilan birgalikda tashkil etildi.
Unda O‘zbekiston, Qozog‘iston, Qirg‘iziston, Tojikiston, Turkmaniston davlatlari, shuningdek, xalqaro tashkilotlar vakillari ishtirok etdi.
Seminar dasturidan Markaziy Osiyo mamlakatlarida 2022-2030 yillarga moʻljallangan umumiy maktab xavfsizligi dasturini namoyish etish, bundan tashqari, mintaqadagi maktablarning xavfsizligi va barqarorligini ta'minlash bo'yicha erishilgan yutuqlarni muhokama qilish, tajriba almashish, shuningdek, Markaziy Osiyo mamlakatlarning tabiiy ofatlar xavfini kamaytirish bo‘yicha Senday hadli dasturi va 2030 yilgacha barqaror rivojlanish maqsadlarini amalga oshirishni qo‘llab-quvvatlash masalallari joy oldi.