To‘raqo‘rg‘on tumani hokimi o‘rinbosari — Oila va xotin-qizlar bo‘limi boshlig‘i H. Mahmudova tomonidan Xalq qabulxonasida belgilangan jadval asosida fuqarolar uchun shaxsiy qabul o‘tkazildi.
2026-10-19 14:30:00 / News
Qabul davomida fuqarolarning bandligini ta’minlash, ishga joylashtirish, tadbirkorlik faoliyatini yo‘lga qo‘yish va uni rivojlantirishda amaliy yordam ko‘rsatish, uy-joy bilan bog‘liq masalalar, shuningdek, oilaviy muammolar yuzasidan murojaatlari tinglandi.
Har bir murojaat individual tartibda ko‘rib chiqilib, fuqarolar tomonidan ko‘tarilgan masalalarning mazmun-mohiyati o‘rganildi. Muammolarni qonuniylik va manzillilik tamoyillari asosida hal etish, murojaatchilarga amaliy ko‘mak ko‘rsatish yuzasidan tegishli mas’ullarga aniq topshiriqlar berildi.