To‘raqo‘rg‘on tumanida hosildan bo‘shagan maydonlarga g‘alla ekish ishlari davom etmoqda
2026-10-12 10:00:00 / News
Tumanda joriy yilda 4526 gektar maydonga g‘alla ekiladi. Shundan 3200 gektari paxtadan bo‘shagan va 1326 gektari ochiq maydonlar hissasiga to‘g‘ri keladi. Hozirgacha 2000 gektardan ortiq maydonga boshoqli don urug‘i qadab bo‘lindi.
Tuman hokimi Sherali Qosimov "Komilov Tursunboy", "Doniyorbek, Sardorbek" fermer xo‘jaliklarida g‘alla ekish jarayonlarini ko‘zdan kechirdi. Avvalo, yerni maromida tayyorlash, sifatli va hosildor bug‘doy navlarini tanlash, tomchilatib sug‘orish texnologiyasini keng joriy etish bo‘yicha kerakli tavsiyalar berildi.
Mamlakatimizda g‘alla mustaqilligiga erishilishi fermerlar imkoniyatini kengaytirib, tajribasini boyitmoqda.