Kambag‘allikni qisqartirishda mas’uliyatli yondoshuv: oilalar yana bir bor xatlov qilinmoqda
2026-09-14 11:00:00 / News
Shuning uchun mahallalarda “yettilik” hamda ko‘chaboshilar bilan birga oilaviy daromadi past oilalar yana bir bor xatlovdan o‘tkaziladi. Bugun tuman hokimining birinchi o‘rinbosari Qudratbek Soxodillayev rahbarligida “Istiqlol” mahallasida ana shu jarayonga kirishildi. Abdug‘affor Yunusov uyini ta’mirlashda hamda ishga kirishda yordam so‘radi. 3 farzandning onasi Dilrabo Nizomiddinovaning turmush o‘rtog‘i 2-guruh nogironligi borligi uchun tibbiy yordam zarurligi aniqlandi. Muhammadillo Turg‘unovlar esa bir hovlida 3 ta oila yashayotgani uchun uy-joyga muhtoj. Shu tariqa “Tadbirkorlar” ko‘chasidan uchtagina oila aniqlanib, masalalar nazoratga olindi.
Bu mahallada hozirda kambag‘allik reyestrida 51 ta oila bor. Xatlovda 88 ta edi. 14 kishi ishga joylandi, talabgorlarga imtiyozli kredit ajratildi. Shu tariqa ishlab, yil oxirigacha mahallani kambag‘allikdan holi hududda aylantirishmoqchi.
Mahalladagi 6 ta ko‘chaga iqtisodiy soha tashkilotlari vakillari guruhlarga bo‘linib, o‘rganish ishlarini davom ettirishmoqda. Shu bilan birga MFY binosi oldida bo‘sh ish o‘rinlari mehnat yarmarkasi ham tashkil etilib, 14 ta tashkilot va korxonadan 128 ta bo‘sh o‘rin ish izlovchilarga havola etildi.