Bugun haftaning shanba kuni: To‘raqo‘rg‘on tumani hokimi Sherali Qosimov IIB boshlig‘i Xayrullo Salimov hamrohligida navbatdagi qabulini o‘tkazdi
2026-09-04 15:00:00 / News
“Xalq qabulxonasi”da fuqarolardan moddiy yordam olish, yashash sharoitlarini yaxshilash, yer kadastr hujjatlarini rasmiylashtirish, bolalar nafaqasi ajratilishi, uy-joy qurib berish, imtiyozli berilgan xonadonni nomiga rasmiylashtirish, davolanish masalalarida murojaatlar bildirildi.
Shuningdek, Dukat mahallasining bir guruh vakillari ichki ko‘chalarni asfaltlashtirish, “Sharq” mahallasidagi ko‘p qavatli uylarda yashovchilar atrofni obodonlashtirish, kuz-qish mavsumiga tayyorgarlik ko‘rish, O‘rtaqishloq mahallasidan kelganlar tungi yoritish chiroqlarini o‘rnatish bo‘yicha ko‘mak so‘rashdi.
Murojaatchilarga belgilangan tartibda tushuntirishlar berildi. O‘z tashabbuslari bilan ko‘plab ishlarni amalga oshirayotgan mahallalar namuna qilib ko‘rsatildi va albatta, xalq turmush farovonligiga xizmat qiladigan loyihalar davom etishi aytib o‘tildi.
Barcha masalalar mas’ullar tomonidan o‘rganib chiqilishi nazoratga olindi.