USAID O‘zbekiston Energetika bozorini rivojlantirish va tartibga solish agentligiga yangi AKT uskunalarini topshirdi
2024-06-26 17:15:00 / Yangiliklar
26 iyun 2024-yil, Toshkent, O‘zbekiston – Bugun AQSH Xalqaro taraqqiyot agentligi (USAID) O‘zbekiston Respublikasi Energetika bozorini rivojlantirish va tartibga solish agentligiga qiymati qariyb 50 ming dollarlik yangi axborot-texnologiya uskunalarini topshirdi.
Kompyuterlar, printerlar va telekommunikatsiya uskunalaridan iborat to‘plam 2023-yil 28-sentyabrdagi PF-166 –son Prezident farmoniga muvofiq energetika sohasida islohotlarning navbatdagi bosqichini amalga oshirishda agentlik xodimlarini qo‘llab-quvvatlashga qaratilgan.
USAIDning O‘zbekistondagi missiyasi direktori vazifasini bajaruvchi Edvard Mixalski o‘zining tabrik so‘zida elektr energiyasini ishonchli taʼminlash hamda modernizatsiya va kengaytirish uchun zarur bo‘lgan xususiy sarmoyalarni jalb qilish uchun zarur bo‘lgan energetika sohasini samarali tartibga solish muhimligini taʼkidladi. "USAID O‘zbekiston bilan birlamchi va ikkilamchi darajali qonunchilik tuzilmalarini rivojlantirishga ko‘maklashish orqali samarali tartibga solish uchun huquqiy va institutsional bazani mustahkamlashga ko‘maklashishdan faxrlanadi. O‘ylaymizki, Agentlik barqaror rivojlanishga ko‘maklashgan holda energetika sohasini yana-da erkinlashtirish, elektr energiyasini ishonchli taʼminlash, zarur investitsiyalarni jalb etish va isteʼmolchilar manfaatlarini himoya qilishni taʼminlaydi”,- dedi u.
Ushbu uskuna Agentlikning barcha xodimlarining kundalik ish samaradorligini oshirib, tartibga solish jarayonlarini yana-da samarali boshqarish imkonini beradi. O‘z navbatida, bu soha uchun yana-da yaxlit va javob beradigan meʼyoriy-huquqiy bazani yaratishga xizmat qiladi. USAID ushbu samarali hamkorlik asosida Agentlikka texnik maslahatchi sifatida qo‘llab-quvvatlashni davom ettiradi, shuningdek, muhim reglamentlarni ishlab chiqish va yangilash hamda qo‘shimcha treninglar va tavsiyalar taqdim qilishda yordam beradi.
Uskunalarni yetkazib berish USAIDning "Markaziy Osiyo energetikasi" yetakchi mintaqaviy energetika loyihasi doirasida amalga oshirildi. Umumiy qiymati 39 million AQSH dollari bo‘lgan besh yillik loyiha O‘zbekiston Respublikasi hukumati bilan hamkorlikda energetika sektori faoliyatini yaxshilash, ekologik jihatdan “toza” energiya manbalarini rivojlantirishni jadallashtirish hamda mintaqaviy bog‘liqlik va transchegaraviy elektr energiyasi savdosi orqali energiya xavfsizligi va barqarorligini oshirish maqsadida amalga oshirilmoqda.