Samarqandliklar, shoshiling, bugunoq ishli bo‘ling! Diplom shart emas
2024-09-13 13:30:00 / Vazirlik yangiliklari
Ayni paytda Samarqand shahridagi Alisher Navoiy nomli istirohat bog‘ida viloyat hokimligi va Kambag'allikni qisqartirish va bandlik bosh boshqarmasi hamkorligida "Bo‘sh ish o‘rinlari mehnat yarmarkasi" o’tkazilmoqda.
Unda 300 ga yaqin korxona o'zlarida mavjud 4 799 ta bo‘sh ish o‘rni bilan ishtirok etmoqda.
Yarmarkada:
▪️sanoat va ishlab chiqarish yo‘nalishida 3 302 ta;
▪️qurilish yo‘nalishida 702 ta;
▪️savdo va xizmat ko‘rsatish yo‘nalishida 698 ta;
▪️qishloq xo‘jaligida 97 ta bo‘sh ish o‘rni taklif etilmoqda (ularning 2 296 tasi xotin-qizlar uchun).
Ish o‘rinlarining 226 tasiga oliy, 1 247 tasiga o‘rta-maxsus ma’lumot talab etilsa, 3 283 tasiga ma’lumot talab etilmaydi.
Yarmarka bugun kechgacha davom etadi. Ishtirok eting va o’zingizga munosib ish toping!