Yaponiya davlati bilan yangi hamkorlik yo‘nalishlari belgilab olindi
2024-08-12 21:20:00 / Yangiliklar
Uchrashuvda ikki tomonlama hamkorlik hamda bir qancha loyihalar bo‘yicha olib borilayotgan ishlar muhokama qilindi.
Xususan, O‘zbekistonga kivi ko‘chatini olib kirib uni ekish hamda uning changini Yaponiya davlatiga eksport qilish borasida bir qancha takliflar berib o‘tildi. Bu borada Yaponiya davlatidan 4000 dona kivi ko‘chati olib kelish borasidagi masalalar muhokama qilindi.
Bundan tashqari Yaponiyaga qishloq xo‘jaligi sohasidagi kadrlar bugungi kunda zarur ekanligini ma’lum qilgan kompaniya vakillari, O‘zbekistondagi mavjud qishloq xo‘jaligi yo‘nalishidagi kollej hamda universitetlarda yapon tili darslarini o‘qitish maqsadi borligini ma’lum qildi hamda o‘zbekistonlik yosh talabalarni yapon tili hamda qishloq xo‘jaligi sohasi bo‘yicha kasbiy malaka testlarga tayyorlab, Yaponiya kompaniyalariga ishga taklif qilish asosiy masala ekanligini qayd etib o‘tdi.
Bu borada vazirlik mas’ullari hamkorlikka tayyor ekanliklarini aytib o‘tishdi. Bugungi kunda agrar ta’lim sohasida har qanday hamkorlik mamlakatlar o‘rtasida o‘zaro tajriba almashish imkoniyatini berishi ta’kidlab o‘tildi.
Uchrashuv yakunida tomonlar yuqorida keltirilgan masalalar yuzasidan hamkorlik qilishga hamda bu borada "Ishchi guruh" shakllantirish borasida kelishib olishdi.