Jamg‘arma stipendianti xalqaro mukofotlarga sazovor bo‘ldi!

El-yurt umidi jamg‘armasi stipendianti, University of Leeds magistratura bosqichi bitiruvchisi Abdulaziz Suyarov xalqaro e’tirofga sazovor bo‘ldi. U universitet tomonidan “Generativ sun’iy intellekt va Dizayn fikrlash: imkoniyatlar, tahdidlar va samarali integratsiya uchun strategiyalar” (Generative AI and Design Thinking: The Perceived Opportunities, Risks, and Strategies for Effective Integration) mavzusidagi dissertatsiyasi uchun Dissertation Excellence Award bilan taqdirlandi.

Shuningdek, ijtimoiy va darsdan tashqari faoliyati uchun Extracurricular Activities Champion Award mukofotini qo‘lga kiritdi.

Abdulaziz universitetni a’lo baholar bilan (Distinction) tamomlab, magistrlik diplomi bilan taqdirlandi.

Yoshlar ishlari agentligi jamoasi nomidan jamg‘arma stipendiantini kelgusi faoliyatiga ulkan zafarlar va yangi yutuqlar tilaymiz!