Xabar berganimizdek, Braziliyada o‘smirlar o‘rtasida o‘tkazilgan FIDE jahon chempionatida tarixiy g‘alabaga erishgan hamyurtimiz Afruza Hamdamova bugun tongda Toshkent xalqaro aeroportida tantanali kutib olindi. 

Marosimda Yoshlar ishlari agentligi direktori, Shaxmat Federatsiyasi raisining birinchi o‘rinbosari Alisher Sa’dullayev, Sport vaziri o‘rinbosari Shaxrillo Mahmudovlar ishtirok etib, ikki karra jahon chempioni va uning murabbiyga pul mukofoti hamda esdalik sovg‘alari topshirildi. 

Yoshlar ishlari agentligi jamoasi, xalqimizning faxri bo‘lgan Afruza Hamdamova va uning murabbiylarini mazkur tarixiy g‘alaba bilan samimiy qutlaydi!