Fidjital festivali O’zbekistonda
2024-10-31 18:25:00 / Yangiliklar
Bugun poytaxtimizda Yoshlar ijod saroyida “TroPhyGital Tour (Road Show)” xalqaro road-shousi doirasida “Fidjital festivali” bo’lib o’tdi. Tadbir davomida ishtirokchilarga road-shou haqida ma'lumotlar berildi. Shuningdek, “Kelajak o’yinlari” kubogi namoyish etildi.
Festivalga Rossiya Federatsiyasi Bosh vazirining Turizm, sport, madaniyat va kommunikatsiyalar bo‘yicha o‘rinbosari Dmitriy Nikolayevich Chernishenko tashrif buyurdi.
Ma’lumot uchun, ushbu tadbirlar klassik sport va kibersportni uyg‘unlashtirishga asoslangan fidjital harakatini targ‘ib qilish maqsadida Sport vazirligi, Yoshlar ishlari agentligi, “Yoshlar — kelajagimiz” jamg‘armasi, Yoshlar ittifoqi va Butunrossiya Fidjital sporti federatsiyasi hamkorligida tashkil etilmoqda.
Ayni vaqtda festival Jizzax viloyatidagi kibersport arenasida davom etmoqda.