Oila va xotin-qizlar qo‘mitasi raisi o‘rinbosari Mukarram Axmedova tomonidan Farg‘ona viloyatida o‘rganish ishlari olib borildi.
2024-08-03 11:00:00 / Yangiliklar
Xabar berilganidek, Oila va xotin-qizlar qo‘mitasi raisi o‘rinbosari Mukarram Axmedova tomonidan
1-3 avgust kunlari O‘zbekiston Respublikasi Prezidentining 2024-yil 7-martdagi PQ-122-son qaror va mazkur qaror ijrosini tashkil etish bo‘yicha Respublika komissiyasining 2024 yil 8-apreldagi 10-sonli bayoni ijrosi bo‘yicha Farg‘ona viloyatida o‘rganish ishlari olib borildi.
Dastlab, viloyatda qaror ijrosini ta’minlash maqsadida, Respublika komissiyasining bayoni bilan belgilab berilgan vazifalar ijrosi bo‘yicha amalga oshirilgan ishlar manzilli o’rganildi, tahlil qilindi. Aniqlangan kamchiliklarni bartaraf etish bo’yicha chora-tadbirlar belgilandi.
O‘zbekiston Respublikasi Prezidentining 2022 yil 22 sentyabrdagi PQ-376-sonli qarori ijrosi yuzasidan 2024 yilda 181 tamahallalarda Xotin-qizlar bandligini ta’minlash va salomatligini mustahkamlash markazlari tashkil etilishi belgilangan bo‘lib, bugungi kunga qadar 52 ta mahallada ushbu markazlar barpo qilingan.
Joriy yilning 2 avgust kuni viloyat markazida joylashgan Tadbirkorlar palatasi binosida mutasaddi tashkilotlar vakillari va tuman (shahar) hokimlarining o‘rinbosarlari ishtirokida O‘zbekiston Respublikasi Prezidentining 2024 yil 7 martdagi PQ-122-son qarori asosida Respublika komissiyasining 2024 yil 8 apreldagi 10-sonli bayoni bilan belgilab berilgan vazifalar ijrosi tanqidiy muhokama qilindi.
Muhokama yig‘ilishi doirasida viloyatdagi 100 nafarga yaqin tadbirkor ayollar bilan muloqot o‘tkazildi. Tadbirkor ayollarga ishsiz xotin-qizlarni, ayniqsa maktab bitiruvchi qizlarini tadbirkorlik faoliyatiga jalb etishda faol ishtir ishtirok etishlari bo‘yicha tavsiyalar berildi.