Самарқандда қурилиш маҳсулотлари ишлаб чиқарилиши устидан давлат назорати кучайтирилмоқда
2026-03-26 11:20:00 / Янгиликлар
Самарқанд вилояти, Самарқанд шаҳрида жойлашган, кўп бўшлиқли темир-бетон ёпма плиталар ишлаб чиқарувчи “B.B.I.Q” МЧЖда давлат назорати тадбири ўтказилди.
Ўтказилган текширув давомида Ўзбекистон Республикасининг “Истеъмолчиларнинг ҳуқуқларини ҳимоя қилиш тўғрисида”ги, “Стандартлаштириш тўғрисида”ги ҳамда “Метрология тўғрисида”ги Қонунлари талабларига риоя этилмагани аниқланди.
Хусусан, маҳсулотлар белгиланган тартибда тамғаланмаган, даврий синовлардан ўтказилмаган, шунингдек, сифат гувоҳномаси расмийлаштирилмасдан реализатсия қилинган.
Аниқланган ҳуқуқбузарликлар юзасидан жамият раҳбарига нисбатан маъмурий ҳуқуқбузарлик тўғрисида баённома расмийлаштирилиб, тегишли ҳужжатлар судга юборилди.
