Хоразмда таълим масканларига ташриф давом этмоқда
2024-02-26 15:10:00 / Янгиликлар
Ҳ.Умарованинг вилоятдаги навбатдаги ташрифларидан Хива туманидаги 120 ўринли 18-мактаб ва 1-сонли ДМТТ, Хива шаҳрида 1972 йилда қурилган 280 ўринли 8-сонли ДМТТлар ўрин олди.
Вазир мазкур жойларда таълим-тарбия жараёнлари, бинолар ҳолати, кадрлар фаолияти билан яқиндан танишди.
Вилоятда 557 та мактаб фаолият кўрсатмоқда, шулардан 438 тасида ҳарбий синфлар ташкил этилган.
Вазир ҳарбий ўқитувчилар билан суҳбат чоғида уларнинг фаолияти ҳам ҳарбийларникидек масъулиятли ва шарафли эканлигини эътироф этди.
Маълумот учун: Бугунги кунда Хоразм вилоятида 1 973 та мактабгача таълим ташкилотлари, шундан 366 та давлат мактабгача таълим ташкилотлари, 95 та давлат хусусий шерикчилигидаги мактабгача таълим ташкилотлари, 7 та хусусий мактабгача таълим ташкилотлари, 1 505 та оилавий нодавлат мактабгача таълим ташкилотлари фаолият олиб бормоқда.
3-7 ёшдаги болалар сони 153 976 нафар бўлиб, уларнинг 125 000 нафари (81.2 %) қамраб олинган. Шундан, 75 865 нафари (49,3%) давлат, 240 нафари (0,2%) хусусий, 10 418 нафари (6,8%) ДХШ асосидаги, 38 477 нафари (25,0%) оилавий МТТ ларга қатнайди.