Бугун Кембрижда давлат ва нодавлат мактаблари раҳбарлари учун ташкил этилган лидерлик дастурининг илк куни бўлиб ўтди. Ушбу дастур Cambridge University Press & Assessment томонидан амалга оширилмоқда ва унда йигирмадан ортиқ мактаб раҳбари иштирок этмоқда.

Беш кунлик амалий тренинг давомида иштирокчилар қуйидаги учта асосий модул бўйича билим ва кўникмаларга эга бўладилар:
 • Лидерлик йўлига қадам қўйиш (Starting your leadership journey);
 • Кембриж билан раҳбарлик салоҳиятини ривожлантириш (Developing your leadership with Cambridge);
 • Мактаб муҳитини яхшилаш учун коучинг ва менторлик маданиятини шакллантириш (Creating a culture of coaching and mentoring for school improvement).

Шунингдек, иштирокчилар учун Cambridge International School мақомини олиш жараёни ва талабларига бағишланган алоҳида сессия ҳам ташкил этилади.

Барча иштирокчилар халқаро сертификатлар, шунингдек, ўз мактабларида қўллаш ва ҳамкасблари билан улашишлари мумкин бўлган амалий воситаларга эга бўладилар.

Таълим — бу раҳбарлик. Биз эса келажакка йўл очаётган етакчилармиз!