Пойтахтимиздаги 51-мактабда хорижлик француз тили ўқитувчилари ёрдамида халқаро DELF вa DALF имтиҳонларига тайёргарлик вазифасини ўтовчи диагностик баҳолаш синовлари ташкил этилди.

Бундан кўзланган мақсад “Келажак учун хорижий тил” лойиҳаси доирасида ўқувчиларни француз тили бўйича халқаро сертификатларга тайёрлаш ва шу орқали хорижий олий таълим муассасаларида таҳсил олишга кўмаклашиш, шунингдек, жорий йилнинг апрель ойида Франциянинг Ўзбекистондаги элчихонаси билан ҳамкорликда ўтказиладиган “DELF Scolaire” имтиҳони учун ҳам пухта тайёргарлик бўлиб хизмат қилади.

Мазкур синовлар орқали 250 нафар ўқувчи ўзининг француз тилини билиш бўйича даражаларини аниқлаб олади ҳамда ушбу натижалар асосида келгусидаги имтиҳонларга манзилли тайёргарлик кўриш имконига эга бўлади.