Қорақалпоғистон Республикасининг Нукус шаҳрида замонавий инфратузилмага эга бўлган “Рақамли Авлод” таълим маркази фаолияти тўғрисида МАЪЛУМОТ
2025-11-27 12:50:00 / Ҳисоботлар
2025 йил 14 ноябрь ҳолатида
Ўзбекистон Республикасиси Президенти Администрацияси раҳбари С.Ш.Мирзиёева бошчилигида 2025 йил 6 октябрь куни Қорақалпоғистон Республикасида ўтказилган йиғилишнинг 23-сонли баёнининг (2025 йил 3 ноябрдаги 02-РА 2/1-1540-сонли топшириқ) 30-бандида ёшларни қўллаб-қувватлаш масалалари бўйича берилган топшириқларнинг ижросини таъминлаш йўналишида қуйидаги ишлар амалга оширилмоқда:
Қорақалпоғистон Республикасининг Нукус шаҳрида замонавий инфратузилмага эга бўлган янги “Рақамли Авлод” таълим маркази фаолияти йўлга қўйилди. Марказ 55-мактаб ҳудудида жойлашган бўлиб, 2025/2026 ўқув йилида Ўзбекистон Республикаси Мактаб ва мактабгача таълим вазирлиги ва “Digital Generation Uzbekistan” ННТ ўртасида ўқувчиларни IT соҳасига доир касбларга йўналтириш ва уларнинг “Билимини ошириш ишларини самарали ташкил этиш юзасидан ўзаро ҳамкорлик тўғрисидаги меморандум”га мувофиқ: 22, 27, 34, 44, 45, 55-сонли мактабларнинг кам таъминланган оилалардан чиққан ўқувчи-битирувчиларидан ўқув гуруҳлари тузилди, ўқитувчилар тайинланди ва қуйидаги йўналишларда ўқув машғулотлари 2025 йил 3 ноябрь санасидан бошланди:
1. Мекатроник тизимларни ўрнатиш, дастурлаш ва ишга тушириш;
2. Компьютер тизимлари ва комплексларига техник хизмат кўрсатиш ва таъмирлаш;
3. Конструктрлаш ва 3D моделлаштириш;
4. Фото ва видео билан ишлаш (Видеограф);
5. График дизайн йўналишларда кунлик 180 нафар ўқувчига замонавий касблар ва рақамли кўникмаларни ўргатиш имконини яратади.
Марказ фаолияти ёшларнинг рақамли иқтисодиёт талабларига мос билим ва кўникмаларга эга бўлган мутахассис сифатида шаклланишига хизмат қилади. Бунда уларнинг ижодий салоҳияти, техник тафаккури, муаммоларни ҳал қилиш ҳамда инновацион фикрлаш қобилиятини ривожлантириш белгиланган.
Марказнинг ишга туширилиши Қорақалпоғистон Республикасида рақамли таълим экотизимини ривожлантириш, ёшларнинг инновацион салоҳиятини юзага чиқариш ва уларни глобал рақамли майдонга интеграция қилишда муҳим қадам ҳисобланади.
Таълим жараёнлари замонавий компьютерлар, рақамли дастурлар ва интерфaол методлар асосида ташкил этилиб, назарий билимлар билан бирга амалий машғулотлар ҳам таъминланади.
Марказ ёшларни нафақат техник билимлар, балки жамоавий ишлаш, ижодкорлик ва инновацион ёндашув каби муҳим кўникмалар билан ҳам қўллантиришни мақсад қилган.