Бугун Ўрмон ва яшил ҳудудларни кенгайтириш, чўлланишга қарши курашиш агентлиги директори Эркин Муҳиддинов Болгариянинг "Аcта" компанияси таъсисчиси Паула Кирчева ва компания вакиллари билан учрашди.

Учрашувда Ўзбекистонда ўрмонларни ривожлантириш ҳамда углерод хом-ашёсини ишлаб чиқариш лойиҳасини Тошкент, Жиззах ва Самарканд вилоятларида амалга ошириш юзасидан фикр алмашилди. Шунингдек, лойиҳа доирасида ишчи гуруҳ ташкил қилинишига келишиб олинди.

Шундан сўнг, икки томонлама ҳамкорлик меморандуми имзоланди.

Учрашув якунида Эркин Муҳиддинов компания вакилларини "Эcо Expo Central Asia 2025" кўргазмасида иштирок этишга таклиф этди.