Андижон "яшил" техникумига китоблар совға қилинди
2026-08-14 17:30:00 / Янгиликлар
Экология ва иқлим ўзгариши миллий қўмитаси раиси ўринбосари Жусипбек Казбеков ва Ўрмон агентлиги директори Эркин Муҳиддинов Андижон "яшил" техникумида ташриф буюрди.
Ташриф давомида техникум кутубхона фондини бойитиш ҳамда ўқувчиларнинг экологик билим ва дунёқарашини янада ошириш мақсадида таълим муассасасига илмий ва бадиий китоблар совға қилинди.
Шунингдек, техникум ҳудуди кўздан кечирилиб, олиб борилаётган қурилиш ва ободонлаштириш ишлари, янги ўқув йили учун белгиланган таълим йўналишлари ҳамда 9 ва 11-синф битирувчиларини техникумга қамраб олиш масалалари ўрганилди.
Танишув жараёнида техникум фаолиятини тизимли йўлга қўйиш, ёшларнинг экологик саводхонлигини ошириш ҳамда уларни замонавий касб-ҳунарларга йўналтириш бўйича фикр ва таклифлар билдирилди.