“Юрт ободлиги, аввало, маҳалладан бошланади!” шиори остида умумхалқ хайрия ҳашари ўтказилди
2026-03-13 11:45:00 / Янгиликлар
“Ушбу хайрия ҳашарида туман ҳокимлиги, ташкилот ва муассасалар ходимлари, маҳалла фаоллари, нуронийлар, ёшлар ҳамда кенг жамоатчилик вакиллари фаол иштирок этдилар. Ҳашар давомида маҳалла кўчалари, йўлаклар, ариқ ва зовурлар тозаланди, атроф-муҳитни ободонлаштириш ва санитария ҳолатини яхшилашга қаратилган кенг кўламли ишлар амалга оширилди.
Шунингдек, маҳаллалар ҳудудидаги яшил майдонлар тартибга келтирилиб, дарахтлар парвариш қилинди, ҳудудлар ободонлаштирилди ҳамда аҳоли учун қулай ва озода муҳит яратишга алоҳида эътибор қаратилди.
Хусусан, туман ҳудудида жойлашган қабристонлар ҳам ободонлаштирилиб, уларда тозалаш ишлари олиб борилди, йўлаклар тартибга келтирилди ва атроф-муҳити покиза ҳолатга келтирилди.
Бундай хайрия ҳашарлари аҳоли ўртасида бирдамлик ва ҳамжиҳатликни мустаҳкамлаш, маҳаллалар ободлигини таъминлаш ҳамда юртимиз тараққиётига муносиб ҳисса қўшишда муҳим аҳамият касб этмоқда.”