ТЎРТКЎЛЛИК ПАРАБАДМИНТОНЧИЛАРДАН ТАРИХИЙ ЗАФАР: ОСИЁ ЧЕМПИОНАТИГА ЙЎЛЛАНМА ҚЎЛГА КИРИТИЛДИ!
2026-06-22 17:30:00 / Янгиликлар
🏆 ТЎРТКЎЛЛИК ПАРАБАДМИНТОНЧИЛАРДАН ТАРИХИЙ ЗАФАР: ОСИЁ ЧЕМПИОНАТИГА ЙЎЛЛАНМА ҚЎЛГА КИРИТИЛДИ!
Тошкент шаҳрида спортнинг Парабадминтон тури бўйича 35 ёшгача бўлган катталар ўртасида Ўзбекистон чемпионати бўлиб ўтди. Мазкур нуфузли мусобақада юртимизнинг энг сара ва маҳоратли спортчилари ғолиблик учун баҳс олиб боришди.
Қувонарлиси, ушбу чемпионатда Тўрткўл тумани спорт мактаби шуғулланувчилари юқори маҳорат ва ирода кўрсатиб, фахрли 1-, 2-, 3-ўринларни эгаллашди! 🥇🥈🥉
Вакилларимиз ўз ғалабалари билан Ўзбекистон миллий терма жамоаси таркибидан жой олишди ва келаси йили бўлиб ўтадиган Парабадминтон бўйича Осиё чемпионатига тўғридан-тўғри йўлланмани қўлга киритишди.
Сизлар билан бутун Тўрткўл фахрланади! Юксак марраларни забт этган спортчиларимизни ва уларнинг ушбу зафари орқасида турган фидойи мураббий Султанова Муҳаббатни чин қалбдан муборакбод этамиз!
Келгуси йилда ўтказиладиган Осиё чемпионатида ҳам ҳамюртларимизга улкан зафарлар ва олтин медаллар ёр бўлишини тилаб қоламиз!