Тўрткўл туманида жисмоний тарбия фани ўқитувчилари учун аттестациянинг амалий имтиҳон жараёнлари бошланди
2026-05-12 10:30:00 / Янгиликлар
Қорақалпоғистон Республикаси Тўрткўл туманида жисмоний тарбия фани ўқитувчилари учун аттестациянинг амалий имтиҳон жараёнлари бошланди. Мазкур жараённинг очилиш маросими кўтаринки руҳда ташкил этилди.
Тадбирда Қорақалпоғистон Республикаси Спорт вазири ўринбосари А.Қалбаев ҳамда Тўрткўл тумани спорт мактаби директори Э.Ибрагимов оштирок этиб, аттестация жараёнининг таълим сифатини ошириш, жисмоний тарбия ва спорт соҳасида фаолият юритаётган педагогларнинг касбий маҳоратини янада ривожлантиришдаги аҳамиятини алоҳида таъкидладилар.
Шунингдек, имтиҳонларнинг очиқ ва шаффоф тарзда, белгиланган тартиб ҳамда низом талаблари асосида ўтказилиши юзасидан тегишли тавсиялар берилди.
Мазкур аттестация амалий имтиҳонлари давомида жисмоний тарбия фани ўқитувчиларининг касбий билим ва кўникмалари, амалий тайёргарлиги ҳамда педагогик маҳорати баҳоланади.