Қорақалпоғистон республикаси Тўрткўл тумани ҳокимлиги

Тадбиркорлик субъектларини давлат рўйхатидан ўтказишни, қайта рўйхатдан ўтказишни рад этиш учун нима асос бўлади?

Ҳукумат қарори билан тасдиқланган “Тадбиркорлик субъектларини давлат рўйхатидан ўтказиш тартиби тўғрисида”ги низомга асосан:
давлат божи тўланмаганлиги ёки унинг тўлиқ бўлмаган миқдорда тўланганлиги;
Низомда назарда тутилган ҳолатларда тегишли бўлмаган рўйхатдан ўтказиш органига мурожаат қилинганлиги;
Ҳужжатлар ва (ёки) маълумотлар тўлиқ бўлмаган ҳажмда тақдим этилганлиги;
қонун ва таъсис ҳужжатлари билан ваколат берилмаган орган томонидан таъсис ҳужжатларини тасдиқлаш (хулосага келиш), уларга ўзгартириш ва (ёки) қўшимчалар киритиш тўғрисида қарор қабул қилинганлиги;
қонун ҳужжатлари билан устав фондининг миқдорига доир талаблар бажарилмаганлиги;
юридик шахснинг манзилини ўзгартиришда юридик шахснинг БҲМнинг уч юз бараваридан ортиқ солиқ қарзи мавжудлиги ёки солиқ ҳисоботларини топширмаганлиги;

улушнинг (ҳиссанинг) бошқа шахсга ўтказишда, муассиснинг муассислар рўйхати ўзгаришига розилиги мавжуд эмаслиги;
фирма номининг  “Фирма номлари тўғрисида”ги Қонунга мувофиқ эмаслиги;
таъсис ҳужжатларини барча иштирокчилар томонидан имзоланмаганлиги;
устав фондининг миқдори камайтирилганда корхона кредиторлари белгиланган тартибда хабардор қилинмаганлиги;
тадбиркорнинг манзил маълумотлари солиқ ва кадастр органларининг маълумотлар базаларида мавжуд эмаслиги;
тадбиркор танлаган ташкилий-ҳуқуқий шакли қонунчилик ҳужжатларида мавжуд эмаслиги.

Тўрткўл тумани адлия бўлими
Давлат хизматлари маркази бўлим бошлиғи Д.Токимбетов