Қорақалпоғистон республикаси Тўрткўл тумани ҳокимлиги

Фидойи инсонларни тақдирлаш маросими давом этмоқда.

Тўрткўл тумани маданият саройида "Best publication" илмий-тадқиқот маркази томонидан ташкил этилган халқаро тақдирлаш маросими давомида тумандаги бир қатор фидойи инсонларнинг меҳнатлари эътироф этилмоқда.
Тантанали тадбирда "Ватан ифтихори," "Илм-фан соҳасидаги хизматлари учун," "Юксак эҳтиром," "Таълим соҳасидаги хизматлари учун" ва "Энг яхши хизматлари учун" кўкрак нишонлари ўз эгаларига тантанали равишда топширилди.
Ушбу нуфузли тадбир туманимизнинг илм-фан, таълим, маданият, тиббиёт ва бошқа кўплаб соҳаларида фидокорона меҳнат қилаётган инсонларга кўрсатилган юксак эътибор ифодаси бўлди.

Тадбирда иштирок этган Тўрткўл тумани ҳокимининг ўринбосари И. Жумабоева барча тақдирланганларни самимий қутлади. Ўз сўзида бундай илмий тадбирларни кенг тарғиб қилиш ўзининг ижобий натижасини беришига ва бугунгидек фахрли ўрин эгалари сафи кўпайишига ишонч билдирди.