Вилоят ҳокимининг топшириғига асосан, Термиз шаҳар ҳокими Шарофиддин Лолаев бошчилигида “Боғишамол” маҳалласида фаол талабалар ҳамда масъул мутасаддилар иштирокида учрашув ўтказилди.
2026-02-13 10:00:00 / Мажлислар
Мазкур учрашув давомида маҳалладаги кўп қаватли уйларнинг техник паспортларини тайёрлаш, мавжуд муаммоларни тизимли равишда ўрганиш ва уларни босқичма-босқич бартараф этиш масалалари муҳокама қилинди. Шунингдек, БСКлар фаолиятини намунали ташкил этиш, аҳолига кўрсатилаётган коммунал хизматлар сифатини яхшилаш, уй-жой фондини сақлаш ва ободонлаштириш ишларини жадаллаштириш юзасидан аниқ вазифалар белгилаб олинди.
Суҳбатда ҳар бир кўп қаватли уй кесимида муаммоларни аниқлаш, масъулларни бириктириш ва ижро муддатларини белгилаш бўйича топшириқлар берилди. Аҳоли манфаатларини устувор йўналиш сифатида белгилаган ҳолда, БСК фаолиятини шаффоф ва самарали йўлга қўйиш, фуқароларнинг мурожаатлари билан ишлаш тизимини такомиллаштириш муҳим вазифа этиб белгиланди.
Таъкидланганидек, белгиланган чора-тадбирлар ижроси қатъий назоратга олиниб, маҳаллада қулай ва хавфсиз яшаш муҳитини яратиш, кўп қаватли уйлар инфратузилмасини яхшилаш ҳамда аҳолининг турмуш даражасини оширишга хизмат қилади.
