Сирдарё вилояти ҳокимлиги

Меҳнат фахрийси Шербўта Пиримқуловнинг таъкидлашича, ташрифгача томорқачиликка муносабат суст бўлиб, ер имкониятлари тўлиқ ишга солинмаган эди. Ташрифдан кейин ҳар бир хонадонда томорқадан даромад олиш бўйича аниқ вазифалар белгилаб берилди ва аҳолига бир йилда бир неча ҳосил етиштириш, бозор талаби юқори маҳсулот парвариши юзасидан мутахассислар кўрсатмалар беришди. Бу жараёнда фаоллар, агрономлар ва жамоатчилик иштирокида аҳолида янги меҳнат маданияти шаклланди.
Президент топшириқлари асосида “Сайхунобод тажрибаси” бутун вилоят бўйлаб амалга оширилиб, умумий қиймати 229 млрд сўм бўлган 7,5 минг микролойиҳа ҳаётга татбиқ этилди. Шунингдек, 2,3 минг та хонадонга 37 млрд сўмлик қорамол, қўй, парранда ва асалари уялари тарқатилди, 25 млрд сўм маблағ асосида 1 100 та мини-иссиқхона барпо этилди. Гулбулоқ маҳалласидан Дилфуза Тожибеванинг тажрибаси бу ишларнинг амалий натижасини кўрсатади: у “Халқ банки”дан 33 млн сўм кредит олиб, иссиқхона ташкил этди ва уч маротаба ҳосил етиштириб, оилавий даромадини мунтазам ошираётир, шу билан бирга қўшни аёлларни ҳам иш билан таъминламоқда.
2024 йил апрель–декабрь ойларида ўтказилган учрашувларда 3 217 та мурожаат кўриб чиқилиб, уларнинг аксарияти ижобий ҳал этилди. “Зарбдор тажрибаси” доирасида 1 трлн сўмдан ортиқ қийматдаги лойиҳалар ишга туширилиб, 3 мингдан зиёд иш ўрни яратилди. “Ғиждувон тажрибаси” асосида ҳам ўнлаб лойиҳалар амалга оширилиб, минглаб фуқаролар бандлиги таъминланди. 2024 йилнинг ўзида вилоятда 1 794 та янги тадбиркорлик субъекти ташкил этилди ва турли йўналишларда ўн минглаб иш ўринлари яратилди.
2025 йилда қабул қилинган қарорларга мувофиқ, 1 080 гектар ер махсус саноат зоналарига ўтказилиб, жорий йил охирига қадар 2 млрд долларлик 62 та йирик лойиҳа амалга оширилиши режалаштирилган. 28–29 август кунлари Гулистон шаҳрида ўтган “Сирдарёда бизнес қилинг” халқаро инвестиция форумида 20 дан ортиқ давлатдан инвесторлар қатнашиб, ҳудуднинг инвестициявий салоҳияти тақдим этилди. Шу доирада “Peng Sheng Wenren Zhigu” инновацион саноат кластери қурилиши учун пойдевор қўйилди.
Ичимлик суви, энергия ва йўл-инфратузилма соҳаларини яхшилаш бўйича ҳам кенг кўламли ишлар амалга оширилмоқда. Жорий йилда 161,6 км ичимлик ва 36,5 км оқова сув тармоқларини қуриш ва таъмирлаш кўзда тутилган. Гулистон шаҳрида ичимлик суви 24 соат узлуксиз режимида етказилмоқда, Боёвут ва Ховос туманларида 32 минг аҳоли илк бор марказлашган сув таъминотига эга бўлди. Электр таъминотида ҳам 15 мингдан зиёд хонадон барқарор тармоққа уланди. Йўлларда 215 км ички йўл асфалтланиб, яна ўнлаб километрга шағал ётқизилди ҳамда бир нечта инфратузилма объектлари таъмирланди.
Соғлиқни сақлаш соҳасида тиббиёт муассасалари замонавий ускуналар билан жиҳозланиб, 26 млрд сўмлик дори-дармон ва жиҳозлар етказиб берилди. 750 та компьютер тақдим этилиб, электрон рецепт ва “Реимбурсация” тизимлари жорий этилди. Таълим соҳасида 1 900 дан ортиқ битирувчи халқаро ва миллий сертификатлар олди, ўқувчиларнинг нуфузли олий ўқув юртларига грант асосида қабул қилиниши ортди ва педагогларнинг малакаси ошиши учун янги имкониятлар яратилди.

Ёшлар сиёсати доирасида “Ёшлар баланси” ва “Ёшлар дафтари” орқали минглаб йигит-қизлар иш билан таъминланди ва ижтимоий қўллаб-қувватланди. Қорамолчиликда эса саноатлаштирилган йирик лойиҳалар амалга оширилиб, йиллик сут ва гўшт ишлаб чиқариш ҳажми сезиларли ошмоқда.
— Бунинг барчаси Президент ташрифи чоғида берилган топшириқларнинг босқичма-босқич ижроси, тизимли назорат ва жамоатчилик фаоллиги самарасидир, — дейди Шербўта Пиримқулов.
Энг муҳими,  бу ўзгаришлар одамлар ҳаётида акс этмоқда. Янгиердан Сардобага, Шириндан Ховосгача  ҳар бир хонадонда меҳнат, ислоҳот ва натижанинг уйғунлигини кўриш мумкин.