Учрашув давомида Шароф Рашидов тумани ИИБ ҳамда спорт мактаби раҳбарияти дзюдо, футбол, бокс, ушу, қўл жанги, енгил атлетика, волейбол ва теннис тўгаракларида шуғулланиб, юқори натижаларга эришиб келаётган ёш чемпионлар ва ҳаваскор спортчиларнинг машғулотларини кузатди.
Айниқса, дзюдо ва ушу билан шуғулланаётган ёш спортчилар яккама-якка беллашувларда жанг санъати бўйича ўз маҳоратларини намойиш этдилар. Қизғин кечган беллашувлар ташриф буюрган раҳбарларда илиқ таассурот қолдирди.
Машғулотлар якунида спортчилар билан очиқ мулоқот ўтказилиб, уларнинг эришаётган ютуқлари, мавжуд муаммолари ва таклифлари тингланди.
Тадбир сўнгида спорт мактаби раҳбарияти ташаббуси билан «Ташаббусли бюджет»нинг 2026 йилги биринчи мавсумида ғолиб деб топилган, қиймати 1 миллиард 550 миллион сўм бўлган «Теннис корти ва универсал спорт майдони мажмуасини ташкил этиш» лойиҳаси доирасида олиб борилаётган қурилиш-муҳандислик ишлари билан танишилди.