Шароф Рашидов туманида муддатли ҳарбий хизматни ўтаётган ҳарбий хизматчиларнинг ота-оналари билан учрашув бўлиб ўтди
2026-02-04 14:40:00 / Янгиликлар
Учрашувда Шароф Рашидов туман ҳокими Асилбек Ашуров ҳамда Миллий гвардиянинг Жиззах вилояти бўйича бошқармаси бошлиғи Хусниддин Шерматов иштирок этди.
Тадбир давомида муддатли ҳарбий хизматни ўтаётган ёшларнинг хизмат шароитлари, яратилган имкониятлар ҳамда уларнинг ҳолати ҳақида батафсил маълумотлар берилди. Шунингдек, ҳарбий хизматчиларнинг ота-оналари билан очиқ мулоқот ўтказилиб, уларни қизиқтирган саволларга масъуллар томонидан атрофлича жавоблар берилди.
Мазкур учрашув ота-оналар билан ҳамкорликни мустаҳкамлаш, юрт тинчлиги йўлида хизмат қилаётган ёшларни қўллаб-қувватлашга қаратилгани билан аҳамиятли бўлди.