Қувасой шаҳрида хорижий фуқароларнинг миграция қонунчилигига риоя этиши юзасидан профилактик тадбирлар ўтказилмоқда
2026-07-11 12:00:00 / Янгиликлар
“Хавфсиз ва соғлом юрт” кенг қамровли тадбири доирасида Қувасой шаҳар ИИБ Миграция ва персоналлаштириш бўлими ходимлари томонидан шаҳардаги фуқаролар ҳамда хорижий инвестиция иштирокидаги корхоналарда паспорт-виза назорати тадбирлари амалга оширилмоқда.
Тадбирлар давомида хорижий ишчилар ва корхона раҳбарларига Ўзбекистон Республикасининг 2025 йил 15 майдаги 1074-сонли Қонунининг мазмун-моҳияти ҳамда вақтинча рўйхатдан ўтиш тартиблари тушунтирилмоқда. Шунингдек, уларнинг шаҳар ҳудудида қонуний бўлиб туриши юзасидан профилактик текширувлар олиб борилмоқда.
Мазкур тадбирлар шаҳарда ҳуқуқбузарликларнинг олдини олиш ҳамда хорижий фуқароларнинг Ўзбекистон Республикасида бўлиш қоидаларига қатъий риоя этилишини таъминлаш мақсадида тизимли равишда давом эттирилмоқда.