Қувасойда мурожаатлар билан ишлаш самарадорлигини ошириш бўйича ўқув-амалий семинар ўтказилди
2026-06-10 09:00:00 / Янгиликлар
Халқ қабулхонасида жисмоний ва юридик шахсларнинг мурожаатлари билан ишлаш самарадорлигини янада оширишга қаратилган ўқув-амалий семинар бўлиб ўтди.
Семинарда Ўзбекистон Республикаси Президенти Халқ қабулхонаси раҳбарининг тегишли топшириғи ҳамда Президентнинг ПФ-51-сон Фармони ижроси юзасидан амалга оширилаётган ишлар муҳокама қилинди. Мутасаддилар томонидан тушунтириш бериш орқали назоратдан чиқарилган мурожаатларни қайта ўрганиш, уларни cabinetpm.gov.uz тизимига киритиш ҳамда ижобий ҳал этилган мурожаатлар улушини ошириш масалаларига алоҳида эътибор қаратилди.
Тадбир давомида мурожаатлар билан ишлашнинг амалий жиҳатлари тушунтирилиб, иштирокчиларнинг саволларига жавоблар берилди. Якунда мурожаатларни қайта ўрганиш, тизимга сифатли маълумот киритиш ва бу борадаги назоратни кучайтириш юзасидан тегишли вазифалар белгилаб олинди.