Янги йил тадбирларини хавфсиз ва тартибли ўтказиш масалалари муҳокама қилинди
2025-12-19 21:25:00 / Янгиликлар
Қумқўрғон тумани аҳолиси ва меҳмонларига кўтаринки кайфият улашиш, байрам шукуҳини янада ошириш мақсадида туманнинг “Сурхон соҳили” маҳалласида жойлашган “Ёшлар” истироҳат боғида Янги йил бош арчаси қад ростлади.
Шу муносабат билан бугун Янги йил байрам тадбирларини хавфсиз ва тартибли ўтказиш масалаларига бағишланган йиғилиш бўлиб ўтди. Йиғилиш туман ҳокими Анвар Нормаматов раҳбарлигида ўтказилиб, унда тегишли соҳа раҳбарлари ва масъул ходимлар иштирок этди.
Йиғилишда туман ҳокими А.Нормаматов, туман прокурори Ш.Акрамов ҳамда туман ИИБ бошлиғи М.Амантўраевлар томонидан байрам тадбирларини ўтказиш жараёнида жамоат тартибини сақлаш, аҳоли хавфсизлигини таъминлаш бўйича аниқ вазифа ва топшириқлар белгилаб берилди.
Туманимиз аҳолиси ва меҳмонларини Янги йил шукуҳи ва байрамона кайфият улашувчи қулай ҳамда файзли дам олиш масканига таклиф этамиз.