Ўзбекистон Республикаси Вазирлар маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси

Дастлаб вилоят ҳудудий инспекциясида йиғилиш ўтказилиб, соҳадаги ишлар танқидий таҳлил қилинди. Йиғилишда тизимда шаффофликни таъминлаш, қурилиш ва коммунал тармоқларда назоратни кучайтириш, қонунбузарликларга нисбатан қатъий чора кўриш масалалари муҳокама этилди. Шунингдек, айрим йўналишларда иш самарадорлиги пастлиги қайд этилди. Бу бўйича назорат тадбирларини мунтазам олиб бориш, аниқланган камчиликларни бартараф этиш ва қонунбузарликларнинг олдини олиш юзасидан қўшимча вазифалар белгилаб берилди. Шу билан бирга, Қурилиш ва уй-жой коммунал хўжалиги соҳасида назорат қилиш инспекцияси раҳбарининг тегишли буйруғига асосан, Шукуров Акмал Ғайратович Самарқанд вилояти Қурилиш ва уй-жой коммунал хўжалиги соҳасида ҳудудий назорат қилиш инспекцияси раҳбари лавозимига тайинланди.