Лойиҳага зид равишда бажарилган, сифат талабларига жавоб бермаган кўп қаватли бинодаги зинапоя қисмлари инспекция ходимлари томонидан буздирилди
2025-07-30 14:30:00 / Янгиликлар
Фарғона вилояти ҳудудий назорат қилиш инспекцияси томонидан Қўқон шаҳар “Ўрмонбоғ” маҳалласи ҳудудида қурилаётган кўп қаватли объектида навбатдаги назорат тадбирлари ўтказилди.
Назорат жараёнида объектда техник, муаллифлик ва ички назорат ишлари белгиланган тартибда ташкил этилмагани оқибатида бир қатор қоидабузарлик ҳолатлари қайд этилди.
Хусусан, ишчи лойиҳа ҳужжатлари ўрганилганда, бинодаги 9-қават ҳамда мансард қисмни боғловчи зинапоя конструкцияси 150 мм қалинликда бажарилиши лозимлиги кўрсатилган бўлса-да, амалда лойиҳа талабларига зид равишда ушбу зина 100 мм қалинликда бажарилгани аниқланди.
Қоидабузарлик юзасидан лойиҳа асосида бажарилмаган ва сифатсиз ҳолда амалга оширилган зинапоя инспекция назорати остида буздирилиб, лойиҳа талабларига мувофиқ ҳолда қайтадан бажарилиши таъминланди.
