Тошкент шаҳри Яккасарой туманида ўтказилган назорат тадбири
2025-07-19 13:00:00 / Янгиликлар
Тошкент шаҳри Яккасарой туманида ўтказилган назорат тадбири доирасида, “Боғибўстон” кўчасида жойлашган кўп қаватли уйнинг 1-қаватида ўзбошимчалик билан қурилиш-таъмирлаш ишлари олиб борилгани аниқланди. Хусусан, бинонинг таянч деворларига шикаст етказилгани, айрим тўсувчи деворлар эса бузиб ташлангани ҳолати қайд этилди.
Бу каби ўзбошимчалик билан амалга оширилган ишлар бинонинг конструктив барқарорлигига путур етказибгина қолмай, унинг зилзилабардошлиги ва сейсмик хавфсизлигига ҳам жиддий таҳдид солади.
Аниқланган ҳолат юзасидан ишлар дарҳол тўхтатилди. Ҳуқуқбузар шахсга нисбатан маъмурий баённома расмийлаштирилди ҳамда ишларни асл ҳолатига келтириш бўйича бажарилиши шарт бўлган ёзма кўрсатма берилди.
✅Агар ушбу қонунбузарлик ҳолати мулкдор томонидан белгиланган муддатда бартараф этилмаса, тегишли суд органларига даъво аризаси киритилиши ва ушбу ҳолатни мажбурий тартибда бартараф этиш чоралари кўрилиши белгиланди.
