Рухсатсиз кўп квартирали уй қуриш учун жавобгарлик кучайтирилди
2026-09-29 10:00:00 / Янгиликлар
Ҳурматли фуқаролар ва қурилиш соҳаси вакиллари!
Қурилиш соҳасида давлат назоратини кучайтиришга қаратилган муҳим қонунчилик ўзгаришлари қабул қилинди.
ЎРҚ–1179-сон Қонун (28.09.2026 йил) билан қурилиш соҳасида давлат назорати ва бошқарувини такомиллаштиришга қаратилган ўзгартиш ва қўшимчалар киритилди.
Рухсатнома олиш мажбурияти
«Лицензиялаш, рухсат бериш ва хабардор қилиш тартиб-таомиллари тўғрисида»ги Қонунга киритилган ўзгартишларга кўра, қурилиш-монтаж ишларини бошлаш учун Қурилиш ва уй-жой коммунал хўжалиги соҳасида назорат қилиш ҳудудий инспекцияларидан тегишли рухсатнома олиш талаб этилади.
Рухсатномасиз кўп квартирали уй қуришга йўл қўйилмайди.
Жиноий жавобгарлик
Жиноят кодексига киритилган ўзгартишларга мувофиқ:
Кўп квартирали уйларни тегишли рухсатномасиз қуриш маъмурий жазо қўлланилганидан кейин такроран содир этилса — 3 йилдан 5 йилгача озодликдан маҳрум қилиш жазоси қўлланилиши белгиланди.
Мазкур ҳаракатлар оқибатида одам ўлими ёки бошқа оғир оқибатлар юзага келса — 5 йилдан 7 йилгача озодликдан маҳрум қилиш жазоси белгиланди.
✅ Кучга кириш муддати:
Қонун расмий эълон қилинган кундан эътиборан 3 ой ўтгач кучга киради.
