Самарқанд вилояти Қурилиш ва уй-жой коммунал хўжалиги соҳасида ҳудудий назорат қилиш инспекцияси томонидан Ургут туманининг “Янги Ўзбекистон” массивида навбатдаги сайёр қабул ташкил этилди.
2026-07-31 10:35:00 / Янгиликлар
Сайёр қабул давомида жисмоний ва юридик шахсларнинг қурилиш соҳаси, кўп квартирали уй-жойларга хизмат кўрсатувчи мулкдорлар ширкатлари фаолияти, сув тармоқларидан фойдаланиш ҳамда соҳадаги бошқа масалалар билан боғлиқ мурожаат ва таклифлари тингланди.
Жараёнда фуқаролар томонидан билдирилган масалалар масъул мутахассислар иштирокида атрофлича ўрганилиб, уларни қонунчилик талаблари асосида ҳал этиш юзасидан тегишли тушунтиришлар берилди.
Сайёр қабул доирасида қурилиш соҳаси, кўп квартирали уй-жойларга хизмат кўрсатувчи мулкдорлар ширкатлари фаолияти ҳамда сув тармоқларидан ноқонуний фойдаланиш билан боғлиқ масалалар юзасидан жами 29 та мурожаат рўйхатга олинди.
Ҳар бир мурожаат бўйича белгиланган тартибда тегишли чора-тадбирлар режаси ишлаб чиқилиб, уларнинг ижросини таъминлаш бўйича аниқ муддатлар ва масъуллар белгилаб олинди. Қўшимча ўрганиш талаб этиладиган масалалар эса назоратга олиниб, уларни ҳал этиш юзасидан тегишли чоралар кўрилмоқда.
