Ўзбекистон Республикаси Вазирлар маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси

Жиззах вилояти Қурилиш ва уй-жой коммунал хўжалиги соҳасида ҳудудий назорат қилиш инспекцияси ходимлари томонидан Дўстлик тумани “Чинобод” маҳалласида барпо этилаётган 5 қаватли турар жой объектида навбатдаги назорат тадбирлари ўтказилди. Мониторинг жараёнида бир қатор қоидабузарликлар аниқланди. Жумладан, бинонинг 5-қаватида (4–5 ўқлар оралиғида) темир-бетон ўзак устунларга бетон қуйиш ишлари сифатсиз бажарилгани, иш жараёнида вибратор ускунасидан фойдаланилмагани маълум бўлди. Бундан ташқари, 4-қаватда (8-ўқнинг В ва Г оралиғида) сифатсиз ғиштлардан фойдаланилганлиги аниқланди. Аниқланган қоидабузарликлар юзасидан қисқа муддатда уларни бартараф этиш бўйича масъулларга мажбурий кўрсатмалар берилди ҳамда унинг ижроси назоратга олинди.