Ўзбекистон Республикаси Вазирлар маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси

Қорақалпоғистон Республикаси Қурилиш ва уй-жой коммунал хўжалиги соҳасида ҳудудий назорат қилиш инспекцияси ходимлари томонидан Нукус шаҳри “Гўне қала” маҳалласида жойлашган кўп хонадонли турар-жой биноларининг техник ҳолатини ўрганиш мақсадида мониторинг ишлари олиб борилди. Ўрганишлар давомида инспекция ходимлари томонидан турар-жой биноларининг техник ҳолати, мустаҳкамлиги ҳамда зилзилабардошлик даражаси баҳоланиб, бинолар хатловдан ўтказилмоқда ва “Pasportbino.uz” ахборот тизимига киритилмоқда. Мазкур электрон тизим орқали ҳудуддаги уй-жой фондининг ҳолати бўйича ягона маълумотлар базаси шакллантирилмоқда ҳамда мониторинг жараёнларининг самарадорлиги янада оширилмоқда.