Қурилиш объектларида сифат ва хавфсизлик — доимий назоратда!
2026-03-30 14:30:00 / Янгиликлар
Қорақалпоғистон Республикаси Қурилиш ва уй-жой коммунал хўжалиги соҳасида ҳудудий назорат қилиш инспекцияси ходимлари томонидан ҳудудларда жойлашган қурилиш объектларида белгиланган тартибда тизимли равишда назорат тадбирлари олиб борилмоқда.
Жумладан, Амударё тумани “Жийдали кулон” маҳалласида барпо этилаётган 90 ўринли мактабгача таълим ташкилоти биносидаги қурилиш жараёнлари атрофлича ўрганилди.
Ўрганишлар жараёнида қурилиш-монтаж ишларининг амалга оширилиш ҳолати, уларнинг белгиланган лойиҳа талаблари ва меъёрий ҳужжатларга мувофиқлиги, шунингдек ишларнинг сифатли бажарилаётгани жойида кўздан кечирилди.
Инспекция томонидан олиб борилаётган назорат тадбирлари доирасида объектлардаги қурилиш-монтаж ишларининг лойиҳа-смета ҳужжатларига мослиги, шаҳарсозлик нормалари ва қоидаларига риоя этилиши ҳамда умумий бажарилиш сифати мунтазам равишда таҳлил қилиниб, доимий назоратга олинмоқда.
